Իրանում անջատել են ինտերնետը

Իրանը կես օրից ավելի գրեթե ամբողջությամբ անջատված է ինտերնետից, այս մասին հայտնել է NetBlocks կազմակերպությունը, որը վերահսկում է ինտերնետային կապը եւ կիբեռանվտանգությունն ամբողջ համաշխարհային ցանցում։

«Տվյալներն այժմ ցույց են տալիս, որ Իրանն ավելի քան 12 ժամ անջատված է ինտերնետից. իշխանություններն անջատել են ինտերնետն ամբողջ երկրում՝ հղում կատարելով այն բանին, որ Իսրայելը, նրանց խոսքով, համացանցն օգտագործում է ռազմական նպատակներով»,- նշվել է NetBlocks-ի հաղորդագրությունում։