Իրանի Նաթանզ քաղաքի միջուկային օբյեկտներում ճառագայթային և քիմիական աղտոտվածություն է հայտնաբերվել:
Այս մասին հայտարարել է ՄԱԳԱՏԷ-ի ղեկավար Ռաֆայել Գրոսսին։
Նրա խոսքով՝ Իրանի Նաթանզ քաղաքի միջուկային օբյեկտներում ճառագայթային և քիմիական աղտոտվածությունը կարելի է վերահսկել ճառագայթային պաշտպանության միջոցներով։
«ՄԱԳԱՏԷ-ն պատրաստ է փորձագետներ ուղարկել Իրան՝ ապահովելու միջուկային օբյեկտների լիարժեք պաշտպանությունը և դրանց շարունակական օգտագործումը խաղաղ նպատակներով: Միջուկային օբյեկտները երբեք չպետք է հարձակման ենթարկվեն», — հայտարարել է Գրոսսին։
