«Ես դժգոհ եմ Կիևին հասված ռուսաստանյան հարվածների կապակցությամբ», — սոցիալական ցանցերում գրել է Սպիտակ տան ղեկավարը և դիմել Ռուսաստանի նախագահ Վլադիմիր Պուտինին՝ «կանգ ա՛ռ, Վլադիմիր: Օրական 5000 զինվոր է զոհվում։ Եկեք խաղաղության համաձայնագիր կնքենք»։
Ռուսական ուժերի հարվածների հետևանքով անցած գիշեր 9 մարդ է զոհվել, ավելի քան 80-ը՝ վիրավորվել։ Դրոններ և հրթիռներ են արձակվել ինչպես մայրաքաղաք Կիևի, այնպես էլ Ուկրաինայի այլ բնակավայրերի վրա։
Զանգվածային հարձակումը տեղի է ունեցել կրակի դադարեցման հնարավոր պայմանների շուրջ ակտիվ քննարկումներին զուգահեռ:
