Մյանմարի վարչապետ Մին Աուն Հլայնը մարտի 31-ից մինչեւ ապրիլի 6-ը ազգային սուգ է հայտարարել հանրապետությունում՝ կապված երկրաշարժի հետեւանքով ավելի քան 1,7 հազար մարդկանց զոհվելու հետ, տեղեկացրել է MRTV հեռուստաալիքը։
«Մարդկային զոհերի հետ կապված՝ մարտի 31-ից մինչեւ ապրիլի 6-ը հայտարարված են սգո օրեր ազգային մակարդակով»,- նշվել է կարգադրությունում։
Հզոր երկրաշարժը տեղի է ունեցել մարտի 28-ին Մյանմարի տարածքում։ Թաիլանդի օդերեւութաբանական վարչության տվյալներով՝ ցնցումները զգացվել են Չինաստանում եւ Վիետնամում։
