Մյանմարում տեղի ունեցած երկրաշարժի հետևանքով զոհերի թիվը գերազանցել է 1600-ը, տուժել է ավելի քան 3400 մարդ, ևս 139-ը համարվում են անհետ կորած, հայտնում է «Սինհուա» գործակալությունը՝ հղում անելով երկրի իշխանությունների տվյալներին:
Ավելի վաղ հայտնի էր դարձել երկրաշարժի հետևանքով 1002 զոհերի և 2376 տուժածների մասին:
«Պետական վարչական խորհրդի տեղեկատվական խմբի տվյալներով՝ 1644 մարդ զոհվել է, 3408-ը՝ տուժել, իսկ 139-ը անհետ կորած են համարվում Մյանմարում տեղի ունեցած հզոր երկրաշարժի հետեւանքով», — ասված է հաղորդագրության մեջ:
Հիշեցնեմ, որ 7,7 մագնիտուդով երկրաշարժ է տեղի ունեցել Մյանմայի տարածքում, ցնցումները զգացվել են հինգ հարեւան երկրներում, այդ թվում՝ Թաիլանդում:
