Հարավային Կորեայի ռազմաօդային ուժերի կործանիչը պատահաբար ռումբեր է նետել բնակելի շենքերի վրա

Հարավային Կորեայի Պոչեոն քաղաքում ռազմաօդային ուժերի կործանիչից ռումբը պատահաբար ընկել է բնակելի շենքերի վրա, հաղորդվում է Yonhap գործակալությունը՝ նշելով առնվազն յոթ վիրավորի մասին։

AFP-ն՝ հղում անելով Հարավային Կորեայի ռազմաօդային ուժերին, հայտնում է, որ կործանիչներից մեկը վարժանքների ժամանակ պատահաբար ութ ռումբ է նետել, ինչի հետևանքով քաղաքացիական անձինք են վիրավորվել, դեպքով հետաքննություն է ընթանում։

Yonhap-ը նախօրեին հաղորդել էր, որ Հարավային Կորեան և Միացյալ Նահանգները համատեղ վարժանքներ են անցկացնում հյուսիսկորեական սահմանի մոտ գտնվող Պոչեոն քաղաքի ուսումնամարզական հրապարակում։ Վարժանքներին ներգրավված է160 միավոր ռազմական տեխնիկա, այդ թվում՝ տանկեր, ուղղաթիռներ և կործանիչներ։

Պոչեոն գտնվում է Սեուլից 43 կիլոմետր հյուսիս՝ Հյուսիսային Կորեայի սահմանին մոտ։

Լրահոս

Օրացույց

Օգոստոսի 2025
Ե Ե Չ Հ Ու Շ Կ
 123
45678910
11121314151617
18192021222324
25262728293031