ՌԴ Քննչական կոմիտեն քննություն է սկսել՝ գրող Միխայիլ Լերմոնտովի սպանության դեպքով։ Այս մասին Ռիա Նովոստիին ասել է Ռուսաստանի ժողովրդական արտիստ, Պետդումայի պատգամավոր Նիկոլայ Բուրլյաևը՝ նշելով, որ ՔԿ է դիմել՝ համապատասխան խնդրանքով։
«Քննչական կոմիտեից ներկայացված միջնորդությանն արձագանք եղավ, սկսվեց բովանդակային համատեղ աշխատանք, այդ թվում՝ տեխնիկական։ Մենք կզեկուցենք դրա ընթացքի և արդյունքների մասին»,- ասել է նա։
Ըստ պատգամավորի՝ բազմաթիվ գիտնականներ և փորձագետներ բանաստեղծի մահից հետո կատարված հետաքննությունը համարել են «անբարեխիղճ» և լրացուցիչ ստուգում պահանջող։
