Ուկրաինայի հարցով շփումները Ռուսաստանի ու Միացյալ Նահանգների միջև անցկացվում են առանձին գերատեսչությունների մակարդակով, այսօր հայտարարել է Կրեմլի խոսնակ Դմիտրի Պեսկովն, ընդգծելով, որ վերջին շրջանում այդ շփումները ինտենսիվացել են։
«Ինտերֆաքս»-ի փոխանցմամբ՝ Պեսկովն այսպես է արձագանքել Միացյալ նահանգների նախագահի այն հայտարարությանը, որ ԱՄՆ-ն ակտիվ բանակցում է թե՛ Կիևի ու թե՛ Մոսկվայի հետ։
Պեսկովը «դատարկ խոսքեր» է բնորոշել Ուկրաինայի նախագահի հայտարարությունը, թե պատրաստ են ուղիղ բանակցությունների նստել Պուտինի հետ։
