Ադրբեջանական ավիաընկերությունը հայտարարություն է տարածել կործանված ինքնաթիռի վերաբերյալ

Ադրբեջանական AZAL ավիաընկերությունը նշել է իր ինքնաթիռի կործանման պատճառը։

Աղետի նախնական պատճառը «ֆիզիկական և տեխնիկական արտաքին ազդեցությունն է»։

Այս մասին ասվում է ավիաընկերության մամուլի ծառայության հաղորդագրության մեջ։

Ավիաընկերությունը դադարեցրել է չվերթները նաև դեպի Նիժնի Նովգորոդ, Վլադիկավկազ և Սարատով քաղաքներ։

Ավելի վաղ ՌԴ Օդային տրանսպորտի դաշնային գործակալության ղեկավարն ասել էր, որ Ղազախստանում ադրբեջանական AZAL ընկերության կործանված ինքնաթիռը չի կարողացել վայրէջք կատարել Գրոզնիում, ինչպես նախատեսված էր, Ուկրաինայի ահաբեկչական հարձակումների պատճառով։