Հագուստի դիզայնի և վաճառքի իսպանական Mango ընկերության հիմնադիրը և Իսպանիայի ամենահարուստ մարդկանցից մեկը՝ Իսակ Անդիկը, մահացել է Կատալոնիայի ինքնավար համայնքի լեռներում դժբախտ պատահարի հետևանքով։ Այս մասին հայտնում է El PaÍs թերթը։
Թերթի տեղեկություններով՝ 71-ամյա գործարարը մահացել է Կոլբատո մունիցիպալիտետում կիրճն ընկնելու հետևանքով։
Ինչպես պարզաբանում է La Vanguardia թերթը, Անդիկը ընտանիքի անդամների հետ էքսկուրսիայի է եղել։ Նա ընկել է 150 մ բարձրությունից։
Mango ցանցը հիմնադրվել է 1984 թվականին Կատալոնիայի ինքնավար համայնքում ծագումով թուրք գործարար Իսակ Անդիկի կողմից։
