ՔՊ խմբակցության անդամ Հակոբ Ասլանյանը, հրաժարվել է՝ հայտարարելով, որ դուրս չի գալիս ՔՊ-ից և կիսում է խմբակցության ու կուսակցության ղեկավարի քաղաքական մոտեցումները։
Հակոբ Ասլանյանին իր հայտարարությունից հրաժարվելու տեքստը SMS-ով ուղարկել է ԲՏԱ նախարար Մխիթար Հայրապետյանը։ Լուսանկարը իր ֆեյսբուքյան էջում հրապարակել է Հակոբ Ասլանյանը։
Հակոբ Ասլանյանը իր ֆեյսբուքյան էջում գրառում է կատարել․ «Քաղաքացիական պայմանագրի» հետ համագործակցությունս կասեցնելու իմ այսօրվա հայտարարությունը հիմնված է եղել սխալ տեղեկությունների վրա։ Առավելևս այս պարագայում հայտարարությունս համարում եմ սխալ և էմոցիոնալ։ Հայտարարում եմ, որ շարունակում եմ մնալ «Քաղաքացիական պայմանագիր» կուսակցության և խմբակցության լիարժեք անդամ և գործելու եմ համաձայն կուսակցության ղեկավար մարմնի և խմբակցության որոշումների։ Միևնույն ժամանակ համաձայն եմ, որ «Քաղաքացիական պայմանագիր» կուսակցությունը պետք է առաջնորդվի բարեվարքության բարձր սկզբունքներով։», — մասնավորապես նշված է հայտարարության մեջ։
