Իշխող «Քաղաքացիական պայմանագիր» խմբակցության քարտուղար Արթուր Հովհաննիսյանը ոչ հերքում և ոչ էլ հաստատում է՝ արդյոք «ադրեբեջանցիների վերադարձի» հարցը խաղաղության պայմանագրի բանակցությունների օրակարգում կա, թե չկա:
«Հանրությունը կիմանա, երբ դրա խորհրդապահական անհրաժեշտությունը չլինի: Երբ ասես՝ էս թեման քննարկվում է, և էս թեման չի քննարակվում, դու մի գուցե փակես էդ թեման քննարկելու հնարավորության դուռը, դրա համար մենք չենք խոսում, կամ բացես էդ թեման քննարկելու դուռը», — ասաց Հովհաննիսյանը:
Ադրբեջանի նախագահ Իլհամ Ալիևը երեկ հայտարարել էր, թե Հայաստանը պետք է բանակցություններ սկսի «Արևմտյան Ադրբեջանի համայնքի» հետ և գործնական քայլեր ձեռնարկի «արևմտյան ադրբեջանցիների» հիմնարար իրավունքների վերականգնման ուղղությամբ։
