«Մանչեսթեր Սիթիի» նախկին ֆուտբոլիստ Միխայիլ Կավելաշվիլին կարող է դառնալ Վրաստանի նոր նախագահը:
Կավելաշվիլիի թեկնածությունն առաջադրել է իշխող «Վրացական երազանք» կուսակցությունը, որը մեծամասնություն է ներկայացնում խորհրդարանում, հայտնում են վրացական լրատվամիջոցները։ Ընդ որում, Կավելաշվիլին ֆավորիտ է համարվում: Բանն այն է, որ պատմության մեջ առաջին անգամ Վրաստանում նախագահին կընտրի ոչ թե ժողովուրդը, այլ 300 հոգանոց կոլեգիան, իսկ Կավելաշվիլին առաջադրվել է իշխող ուժի կողմից:
Վրաստանում նախագահական ընտրությունները տեղի կունենան դեկտեմբերի 14-ին։
Հարկ է նշել, որ Կավելաշվիլին հանդես է եկել նաև Թբիլիսիի «Դինամոյում», որի հետ բազմիցս դարձել է Վրաստանի չեմպիոն։ Ֆուտբոլային կարիերայի ավարտին Միխայիլը խաղացել է Շվեյցարիայի առաջնությունում՝ «Գրասհոպերի» և «Բազելի կազմում»։ Նա «Վրացական երազանք» կուսակցությանն անդամագրվել է 2016 թվականին:
Վրաստանի հավաքականի կազմում նախկին ֆուտբոլիստն անցկացրած 46 խաղում դարձել է 9 գոլի հեղինակ։
Հիշեցնենք՝ Թբիլիսիի քաղաքապետը «Միլանի» նախկին պաշտպան Կախա Կալաձեն է։
