Ռոնալդուն հերթական ֆենոմենալ արդյունքն է գրանցել

«Ալ-Նասրի» պորտուգալացի հարձակվող Կրիշտիանու Ռոնալդուն հերթական ֆենոմենալ արդյունքն է գրանցել։

39-ամյա հարձակվողը 30 տարական դառնալուց հետո խփել է իր 450-րդ գոլը պաշտոնական խաղերում։ Նա այդ ցուցանիշին հասել է Ասիայի Չեմպիոնների լիգայի խաղարկության 5-րդ տուրի «Ալ-Ղարաֆայի» դեմ խաղում (3:1) գրանցած դուբլի շնորհիվ։

Ընթացիկ մրցաշրջանում Ռոնալդուն սաուդյան ակումբի կազմում մասնակցել է 15 հանդիպման՝ դառնալով 12 գոլի և 2 գոլային փոխանցման հեղինակ։