«Մինչև տարեվերջ խաղաղության պայմանագրի ստորագրումը կախված է Հայաստանից»:
Այս մասին ասել է Ադրբեջանի արտգործնախարար Ջեյհուն Բայրամովը՝ հավելելով, թե Հայաստանի հետ խաղաղության պայմանագրի նախագծի հիմնական կետերը համաձայնեցված են, բայց դեռևս կան կարևոր կետեր, որոնք պետք է համաձայնեցվեն։
Բայրամովի խոսքով՝ Ադրբեջանում անցկացվող COP29 կլիմայական համաժողովի ներառականությունն ապահովելու համար Ադրբեջանը հրավեր է ուղարկել Հայաստանին
«Չնայած այն հանգամանքին, որ Հայաստանից մի քանի ներկայացուցիչներ գրանցվել էին համաժողովին մասնակցելու համար, նրանք չեն եկել։ Մենք կարծում ենք, որ սա նրանց համար բաց թողնված հնարավորություն է»,- ասել է Ադրբեջանի ԱԳՆ ղեկավարը։
