ՀՀ ԱԳՆ-ն ցավակցություն է հայտնել Սերբիայում տեղի ունեցած փլուզման կապակցությամբ:
«Խորապես վշտացած ենք Սերբիայի Նովի Սադ քաղաքի երկաթուղային կայարանում տեղի ունեցած ողբերգական փլուզումից: Մեր խորին ցավակցությունն ենք հայտնում մահացածների ընտանիքներին և շուտափույթ ապաքինում մաղթում տուժածներին: Ողբերգության պահին հայտնում ենք մեր համերաշխությունը»,- ասված է ԱԳՆ-ի X-ի միկրոբլոկում:
Վերջին տվյալներով`Նովի Սադի կայարանի տանիքի փլուզման հետևանքով 14 մարդ է մահացել, 30-ը`վնասվածքներ ստացել։
Սերբիայի կառավարությունը նոյեմբերի 2-ը սգո օր է հայտարարել։
