«Միլթոն» փոթորիկի հետևանքով առնվազն 15 մարդ է զոհվել, ավելի քան 2,5 միլիոն մարդ մնացել է առանց հոսանքի

Առնվազն 15 մարդ է զոհվել «Միլթոն» փոթորիկի հետևանքով, որը հարվածել է ԱՄՆ-ի արևելյան ափին, հայտնում է CNN-ը՝ հղում անելով Ֆլորիդայի նահանգապետ Ռոն ԴեՍանտիսին։

Նահանգապետի փոխանցմամբ, գրեթե 1000 մարդ է փրկվել որոնողական աշխատանքների արդյունքում: PowerOutage.us-ի տվյալները ցույց են տալիս, որ Ֆլորիդայի մոտ երկուսուկես միլիոն բնակիչներ դեռևս առանց էլեկտրականության և ջրամատակարարման են:

Տեղական իշխանությունները դեռ չեն հաղորդել վնասի չափը: Ըստ վերլուծաբանների, «Միլթոն»-ի հետևանքները կարող են արժենալ ապահովագրական ընկերություններին մոտ 100 միլիարդ դոլար: Ֆլորիդայի պաշտոնյաները տուժած շրջանների բնակիչներին կոչ են անում զգոն լինել՝ զգուշացնելով ապահովագրության և վերանորոգման խարդախությունների մասին:

Սպիտակ տունը կառավարության աջակցություն է խոստացել, սակայն գումարի չափը չի նշվում, քանի որ հասցված վնասի մասին ստույգ տվյալներ դեռ չկան։

«Միլթոն»-ը Ֆլորիդայում այս տարի պատուհասած երրորդ փոթորիկն է:

Լրահոս

Օրացույց

Օգոստոսի 2025
Ե Ե Չ Հ Ու Շ Կ
 123
45678910
11121314151617
18192021222324
25262728293031