Տեղը չեն բերում, թե որտեղ են գտնվում, կրկնում եմ՝ տեղը չեն բերում՝ ում հետ են շփվում։ Այս մասին լրագրողների հետ զրույցում ասել է ԱԺ նախագահ Ալեն Սիմոնյանը։
«Որևիցե մեկն իրավունք չունի ՀՀ նախագահին ու ՀՀ ԱԺ նախագահին ասել՝ «մի վախեցեք, չեմ խփի սրանց»։ Ինքը դուրս եկավ մեր առաջ, անվտանգության աշխատակիցն ասաց՝ «խնդում եմ, մի կողմ գնացեք», ասաց՝ «մի վախեցեք, չեմ խփի սրանց»։ Ինձ հետաքրքիր է՝ այդ նույն Մետաքսյան Արցախում որևիցե նախագահի 1 կիլոմետր հեռավորությամբ, որ նման արտահայտություն աներ, իր հետ ի՞նչ էր լինելու։ Տեղը չեն բերում, թե որտեղ են գտնվում, կրկնում եմ՝ տեղը չեն բերում՝ ում հետ են շփվում»,- ասել է նա։
Սիմոնյանի խոսքով՝ Մետաքսե Հակոբյանին ու իր շուրջը պտտվող մարդկանց խոստանում է՝ «հաստատ տեղը բերելու են»։
Հիշեցնեն, որ ԱԺ նախագահ Ալեն Սիմոնյանն Արցախի պատգամավոր Մետաքսե Հակոբյանին Եռաբլուրում ասել էր «զիբիլի վրայի կատու», որովհետև, ասում է՝ ռեպլիկ է լսել նրանից։
