Առաջին կոմերցիոն տիեզերական առաքելության՝ Polaris Dawn-ի անձնակազմը բարեհաջող վերադարձել է Երկիր. SpaceX-ի Crew Dragon տիեզերանավը վայրէջք է կատարել Մեքսիկական ծոցում՝ Ֆլորիդայի ափերի մոտ:
Այս մասին հայտնել է Space.com-ը:
«Polaris Dawn, մեր առաքելությունն ավարտված է: Շնորհակալ եմ բոլորիդ այս առաքելությունը կազմակերպելու հարցում ձեր մեծ օգնության համար»,- ասել է առաքելության հրամանատար Ջարեդ Այզեկմանը ժամանումից հետո:
Սեպտեմբերի 10-ին մեկնարկած առաքելության շրջանակում հնարավորություն է եղել առաջին անգամ զբոսնել բաց տիեզերքում:
Այզեկմանը բաց տիեզերքում է եղել մոտ 8 րոպե։ Այնուհետ նրան է միացել Սառա Ջիլիսը, ում տիեզերական զբոսանքը տևեց 7 րոպե 15 վայրկյան։ Մյուս ուղևորները՝ Աննա Մենոնը և Սքոթ Փոթեթը, մնացել են տիեզերանավում: Գործողությունն ամբողջությամբ հեռարձակվել է ուղիղ եթերում։
