Ամերիկյան SpaceX ընկերության Polaris Dawn տիեզերանավը, որը երեքշաբթի արձակվել է Կանավերալ հրվանդանից, այսօր բարձրացել է Խաղաղ օվկիանոսից 700 կմ բարձրության վրա: Այնուհետև դրա ուղևորները՝ միլիարդատեր Ջարեդ Այզեքմանը և SpaceX-ի ինժեներ Սառա Ջիլիսը, հերթով լյուկի միջով դուրս են եկել բաց տիեզերք, մի քանի րոպե մնացել ու վերադարձել:
Ինչպես գրում է Bild-ը, մյուս ուղևորները՝ Աննա Մենոնը և Սքոթ Փոթեթը, մնացել են տիեզերանավում: Գործողությունն ամբողջությամբ հեռարձակվել է ուղիղ եթերում։
Մինչ բաց տիեզերք գնալը Polaris Dawn-ը բարձրացել է Երկրից 1400 կմ բարձրության վրա: Սա ամենաբարձր բարձրությունն է 1970-ականների սկզբին Լուսին կատարած վերջին թռիչքներից հետո: Համեմատության համար՝ ISS-ը գտնվում է մոտ 400 կմ բարձրության վրա։
