Կուրսկի շրջանում Ուկրաինայի զինված ուժերի հարձակումը համապատասխանում է Ուկրաինայի ինքնապաշտպանության իրավունքին։
Այս մասին հայտարարել է ՆԱՏՕ-ի գլխավոր քարտուղար Յենս Ստոլտենբերգը։
ՆԱՏՕ-ի գլխավոր քարտուղարը հիշեցրել է, որ Ռուսաստանն ավելի քան 900 օր է, ինչ նվաճողական պատերազմ է վարում Ուկրաինայի դեմ:
«Ռուս զինվորները, տանկերն ու հենակետերը միջազգային իրավունքի համաձայն օրինական թիրախներ են: Եվ, ըստ միջազգային իրավունքի, այդ իրավունքը չի ավարտվում Ռուսաստանի հետ սահմանով»,- հայտարարել է Հյուսիսատլանտյան դաշինքի ղեկավարը՝ հավելելով, որ Ուկրաինան ունի ինքնապաշտպանության իրավունք։
