Եվրամիությունը կփակի դռները Վրաստանի առաջ, եթե այդ երկրի կառավարությունը շարունակի ներկայիս քաղաքական ընթացքը, ԵՄ Խորհրդի նիստին ասել է ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը։
«ԵՄ-ի դռները հիմա բաց են Վրաստանի առաջ: Բայց, եթե կառավարությունը շարունակի անել այն, ինչ հիմա է անում, այդ դռները կփակվեն»,- ասել է բարձր հանձնակատարը նշելով, որ Վրաստանի ժողովուրդը պետք է վճարի իր կառավարության գործողությունների համար:
Նրա խոսքով՝ ԵՄ անդամ երկրների արտաքին գործերի նախարարները կքննարկեն Վրաստանում ստեղծված իրավիճակը և դրանից բխող ԵՄ հնարավոր քայլերը:
«Քննարկման արդյունքների մասին կտեղեկացնեմ հանդիպումից հետո»,- ավելացրել է Բորելը: