Հատուկ հանձնարարություններով նախկին դեսպան, ԼՀԿ ղեկավար Էդմոն Մարուքյանը, «Հարցեր կան հարցեր» հաղորդման ժամանակ անդրադառնալով քաղաքացիներից մեկի՝ «մեր վիճակը վերջն ի՞նչ է լինելու, ե՞րբ ենք կարողանալու գլուխներս հանգիստ դնել բարձին» հարցին, ասել է. «Օրը կարող ա 47 անգամ սրճարաններում, շքամուտքում, լիֆտում այս հարցն ինձ տան:
Ասեմ կիսահումորային. ընկերներս ասում էին՝ ո՞նց ա լինելու, ի՞նչ վիճակ ա, ասում էի՝ իրա հունով գնում ա, ասում էին՝ բա վերջն ի՞նչ ա լինելու, ասում էի՝ ընթացքը ցույց կտա: Անգլերեն բան կա, ասում ա՝ վերջում ամեն ինչ լավ ա լինելու, բայց հիմա դեռ վերջը չի: Իսկ եթե լուրջ՝ դեռ երկար ժամանակ չի լինելու հանդարտություն ո՛չ տարածաշրջանում, ո՛չ մեր երկրում: Մի հատ էլ ասացվածք կա, ասում ա՝ մի քիչ էլ կվատանա ու տենց կմնա»:
