Արտաքին գործերի նախարար Հաքան Ֆիդանը հանդիպել է ԱՄՆ պետքարտուղար Էնթոնի Բլինքենի հետ։
Այս մասին հայտնում է Թուրքիայի ԱԳՆ-ն «X»-ի իր միկրոբլոգում:
Հաղորդագրության համաձայն՝ նախարար Ֆիդանը Չեխիայի մայրաքաղաք Պրահայում հանդիպել է իր ամերիկացի գործընկեր Բլինքենի հետ։
Նախարարական հանդիպումը կայացել է ՆԱՏՕ-ի արտգործնախարարների ոչ պաշտոնական համաժողովի շրջանակներում։
Բլինքենն ու Ֆիդանը քննարկել են Գազայում հրադադարի մասին համաձայնության հասնելու ջանքերը, որը կապահովի պատանդների ազատ արձակումը, ինչպես նաև Գազայի հատվածում մարդասիրական օգնության ավելացման և տարածաշրջանային անկայունության կանխարգելման կարևորությունը, կովկասյան տարածաշրջանում խաղաղության հնարավորությունները: