Պուտինն այսօր կմեկնի Բելառուս

Ռուսաստանի նախագահ Վլադիմիր Պուտինն այսօր երկօրյա այցով կմեկնի Բելառուս, լրագրողներին տեղեկացրել է Կրեմլի մամուլի ծառայությունը։

«Բանակցությունների ընթացքում կողմերը նախատեսում են քննարկել ռուս-բելառուսական ռազմավարական գործընկերության և դաշնակցային հարաբերությունների հետագա զարգացմանը վերաբերող հրատապ խնդիրները, Միութենական պետության շրջանակներում ինտեգրացիոն գործընկերության հեռանկարները, ինչպես նաև միջազգային օրակարգի առանցքային թեմաները», — նշված է հաղորդագրության մեջ։