Փակ փողոցներ կամ ճանապարհներ չկան. ՆԳՆ

«Տավուշը հանուն հայրենիքի» շարժման մասնակիցներն այսօր առավոտից Երևանում փորձել են փակել տարբեր փողոցներ։ Մայրաքաղաքի որոշ փողոցներ՝ Տերյան, Ալեք Մանուկյան, Հանրապետության, նաև Թբիլիսյան խճուղին, ցուցարարները փակել են՝ շարելով աղբամաններ։

Ոստիկանները, որոշ դեպքերում վարորդները, հեռացրել են դրանք և արագ վերականգնել երթևեկությունը։ Կոմիտասի պողոտայում էլ փորձ է արվել երթևեկությունը կանգնեցնել՝ խոտի տուկերը ճանապարհին լցնելով: