Ադրբեջանի նախագահ Իլհամ ԱլիևըԳերմանիայի կանցլեր Օլաֆ Շոլցի հրավերով աշխատանքային այցով ժամանել է Գերմանիա, որտեղ մասնակցելու է 15-րդ Պետերսբերգյան կլիմայական երկխոսության բարձր մակարդակի հանդիպմանը:
Միջոցառմանը սպասվում է Ալիևի և Շոլցի ելույթը:
Գերմանիայի կառավարության պաշտոնական ներկայացուցիչ Շտեֆեն Հեբենշթրայթը լրատվամիջոցներին հայտնել է, որ Ալիև-Շոլց հանդիպմանը երկկողմ հարաբերություններից բացի, անդրադարձ է լինելու արտաքին և անվտանգության քաղաքականությանը, ինչպես նաև տնտեսությանն ու էներգետիկային:
Այցի շրջանակում նախատեսված են նաև Իլհամ Ալիևի հանդիպումները Գերմանիայի նախագահի և արտաքին գործերի նախարարի հետ: