Ռուսաստանն ու Ադրբեջանը հարաբերությունները զարգացնելու ցանկություն և ներուժ ունեն:
Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
Հիշեցնենք՝ այսօր Մոսկվայում նախատեսված են բանակցություններ երկրների առաջնորդներ Վլադիմիր Պուտինի և Իլհամ Ալիևի միջև։
«Ադրբեջանը մեր մեծ հարևանն է, ընկերը, գործընկերը և դաշնակիցը»,- ասել է Պեսկովը։
Նա նշել է, որ Մոսկվան և Բաքուն ունեն բազմաթիվ ընդհանուր շահեր, ինչպես նաև համագործակցության մեծ ներուժ և երկկողմ հարաբերությունների հարուստ ավանդույթներ։
Պեսկովի խոսքով՝ երկուստեք կա քաղաքական կամք՝ «այդ հարաբերությունները ամեն կերպ շարունակելու և զարգացնելու համար։
Ավելի վաղ հայտնել էինք, որ ապրիլի 22-ին Ադրբեջանի նախագահ Իլհամ Ալիևը ռուս գործընկերոջ՝ ՌԴ նախագահ Վլադիմիր Պուտինի հրավերով աշխատանքային այցով ժամանել է Մոսկվա:
