Հայաստանը անվտանգության երաշխիքներ է խոստանում սամբոյի աշխարհի գավաթի ռուս և ուկրաինացի մարզիկներին

Երևանն անվտանգության երաշխիքներ է խոստանում սամբոյի աշխարհի գավաթի ռուս և ուկրաինացի մարզիկներին։Այս մասին լրագրողների հետ զրույցում ասաց Հայաստանի սամբոյի ֆեդերացիայի նախագահ Միքայել Հայրապետյանը։

Ապրիլի 4-5-ը Երևանում կայանալիք սամբոյի աշխարհի գավաթի խաղարկությունը կմասնակցեն ինչպես ռուս, այնպես էլ ուկրաինացի մարզիկներ, ասաց Հայաստանի սամբոյի ֆեդերացիայի նախագահ Միքայել Հայրապետյանը։

Անվտանգության նկատառումներից ելնելով մարզիկները տեղաբաշխված են լինելու տարբեր հյուրանոցներում, նրանց տրամադրվելու են տարբեր տրանսպորտային միջոցներ։

Անդրադառնալով Թուրքիայի և Ադրբեջանի հնարավոր մասնակցության մասին հարցին, Հայրապետյանը նշեց, որ այս պահի դրությամբ հայտավորում չեն ստացել, հետևաբար այդ երկրները չեն մասնակցի սամբոյի գավաթի առաջնությանը։

Հիշեցնենք` ապրիլի 2–ից սկսած Միջազգային սամբոյի ֆեդերացիայի պատասխանատուները, կազմակերպչական թիմը լինելու են Հայաստանում։ Այս պահի դրությամբ աշխարհի գավաթի խաղարկությանը հայտ է ներկայացրել 17 երկիր. մոտ 300 մարզիկներ կպայքարեն 26 քաշային կարգերում։

Միջոցառում կայանալու է «Գազպրոմ արենայում»։ Մուտքն ազատ է։

Լրահոս

Օրացույց

Ապրիլի 2024
Ե Ե Չ Հ Ու Շ Կ
1234567
891011121314
15161718192021
22232425262728
2930