ՌԴ նախագահական ընտրություններում հաղթանակից հետո գործող նախագահ Վլադիմիր Պուտինը մի շարք հանդիպումներ է ունենալու:
Ինչպես լրատվամիջոցների հետ զրույցում հայտնել է ՌԴ նախագահի մամուլի խոսնակ Դմիտրի Պեսկովը, «Պուտինը ժամանակ չունի նշելու ընտրություններում իր հաղթանակը»:
«Ընտրական շտաբում աշխատելուց հետո ծրագրված է շփում զինվորականների հետ: Նախագահը պատրաստվում է հանդիպում ունենալ և զրուցել Պաշտպանության նախարար Շոյգուի և գլխավոր շտաբի պետ Գերասիմովի հետ»,-ասել է Պեսկովը:
Հիշեցնենք՝ Ռուսաստանի Դաշնության Կենտրոնական ընտրական հանձնաժողովի հրապարակած տվյալների համաձայն՝ արձանագրությունների 99,5 տոկոսի մշակման արդյունքներով Վլադիմիր Պուտինը հավաքել է ձայների 87,32 տոկոսըև հինգերորդ ժամկետով վերընտրվել ՌԴ նախագահ:
