Հայաստանը, փաստացի, չի մասնակցում Հավաքական անվտանգության պայմանագրի կազմակերպության աշխատանքներին, հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Դուք գիտեք, որ Երևանը, փաստացի չի մասնակցում ՀԱՊԿ աշխատանքներին, դուք լսել եք Երևանի պաշտոնական հայտարարությունը ՀԱՊԿ-ին մասնակցելու նպատակահարմարության վերաբերյալ», — լրագրողներին ասել է Պեսկովը:
«Իրոք, ՀԱՊԿ-ի կանոնադրական փաստաթղթերում որոշակի քայլեր են նախատեսված, իսկ հետագա ամեն ինչ կախված կլինի նրանից, թե ինչ բնույթի քննարկումներ տեղի կունենան կազմակերպության շրջանակում»,- հավելել է ՌԴ նախագահի խոսնակը։
Հիշեցնենք՝ ՌԴ ԱԳ նախարարի տեղակալ Ալեքսանդր Պանկինը հայտարարել է, որ ՀԱՊԿ խորհուրդը հաջորդ շաբաթ կարող է որոշում ընդունել կազմակերպությունում Հայաստանին ձայնի իրավունքից զրկելու վերաբերյալ։
