Սպիտակ տունը Politico թերթի լրագրողներին թույլ չի տվել բարձրանալ ԱՄՆ նախագահ Դոնալդ Թրամփի ինքնաթիռ, հայտնել է CNN հեռուստաալիքը։
«Սպիտակ տունը հրաժարվում է Politico հրատարակությանը թույլ տալ երկուշաբթի բարձրանալ նախագահական Air Force One ինքնաթիռ, ինչը նշանակում է, որ լրատվական կազմակերպությունը չի կարողանա կատարել լրագրողական պուլի հանդեպ իր պարտականությունները», — նշված է նյութում։
Politico-ի ներկայացուցիչը հաստատել է, որ թերթի լրագրողները չեն ընդգրկվել այն ԶԼՄ-ների խմբում, որոնց թույլատրված է նման այցերի ընթացքում ուղեկցել ամերիկացի առաջնորդին։
The New York Times թերթը սեպտեմբերի 26-ին հայտնել էր, որ ԱՄՆ չորս խոշորագույն հեռուստաալիքները կրկին կսկսեն լուսաբանել Թրամփի մասնակցությամբ միջոցառումները։ Ավելի վաղ հինգ հեռուստաալիք՝ ABC, CBS, CNN, Fox News և NBC, հրաժարվել էին մասնակցել Սպիտակ տան մամուլի պուլին այն բանից հետո, երբ Թրամփը որոշել էր սահմանափակել CNN-ի, MS NOW-ի և Politico-ի մուտքը Սպիտակ տանը աշխատանքի համար։
