Երևանում տեղադրվել է COP17-ի գալուստը խորհրդանշող ևս մեկ խորհրդանիշ՝ համաժողովի մեկնարկի հետհաշվարկի թիթեռը։
Այս մասին սոցցանցի իր էջում գրել է ՇՄ նախարարության ամուլի քարտուղար Անի Հակոբյանը՝ հրապարակելով լուսանկար։
«Այսուհետ այն օր առ օր կհիշեցնի, թե որքան ժամանակ է մնացել մինչև այն պահը, երբ Երևանը կհյուրընկալի կենսաբազմազանության պահպանությանը նվիրված համաշխարհային կարևորագույն համաժողովներից մեկը։
Յուրաքանչյուր անցնող օր մեզ մոտեցնում է COP17-ին՝ մի իրադարձության, որը Հայաստանը կդարձնի բնության պահպանության վերաբերյալ համաշխարհային երկխոսության և որոշումների առանցքային հարթակ։
Հետհաշվարկը սկսված է։
Երևանը պատրաստվում է COP17-ին։ Գործելով հանուն բնության»,- ասվում է գրառման մեջ։
