Փրկարարները մարել են ավտոմեքենայում բռնկված հրդեհը

Օգոստոսի 31-ին՝ ժամը 08։22-ին, Վայոց ձորի մարզային օպերատիվ կառավարման կենտրոն ահազանգ է ստացվել, որ Վայք քաղաքի կողմից Սարավան-«Զանգեր» կոչվող հատվածում այրվում է ավտոմեքենա։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։

Պարզվել է, որ հրդեհը բռնկվել է «VAZ» մակնիշի ավտոմեքենայում։

Հրդեհը մեկուսացվել է ժամը 09:26-ին, մարվել՝ 09:36-ին: