ԱՄՆ Անկախության օրվա տոնակատարության երեք օրերի ընթացքում հրազենային վնասվածքներից զոհվել է 100 մարդ, ևս 340-ը տուժել են, հայտնում է Gun Violence Archive ոչ կառավարական կազմակերպությունը։
«Հուլիսի 4-ի հանգստյան օրերին տեղի է ունեցել զանգվածային հրաձգության գրեթե ռեկորդային թվով՝ 20 դեպք։ Նման բան չէր եղել 2021 թվականի ռեկորդային ցուցանիշից ի վեր։ Հանգստյան օրերին հրաձգությունների հետևանքով վիրավորվածների կամ զոհվածների ընդհանուր թիվը կազմում է 100 զոհված և 340 տուժած», — ասվում է կազմակերպության X-ում հրապարակված հաղորդագրության մեջ։
Gun Violence Archive-ը նշում է, որ տվյալները նախնական են և հետագայում կարող են փոփոխվել։
