ԱՄՆ-ը կարծում է, որ Իրանը հուլիսի 6-ին Հորմուզի նեղուցում առևտրային նավերի ուղղությամբ արձակել է առնվազն երկու հրթիռ։ Այդ մասին հայտնել է Axios պորտալը՝ հղում անելով ամերիկյան վարչակազմի իր աղբյուրներին:
Ըստ այդ տվյալների՝ հարձակումներն իրականացվել են ԱՄՆ-ի և Իրանի միջև Հորմուզի նեղուցում հարվածները դադարեցնելու մասին մեկշաբաթյա համաձայնագրի ավարտից հետո։
Axios-ի գնահատմամբ՝ սա վտանգի տակ է դնում Վաշինգտոնի և Թեհրանի միջև փոխըմբռնման հուշագիրը։ Ինչպես գրում է պորտալը, ԱՄՆ-ը, հավանաբար, կպատասխանի՝ հարվածներ հասցնելով Իրանում գտնվող թիրախներին։
