«Շատ կարևոր օրենսդրական փոփոխությունների նախաձեռնման փուլում ենք, քննարկումներ են ընթանում, որ հետագայում ամեն ինչ շատ ավելի հստակ լինի ընտրակաշառքի մասով»:
Այս մասին ԱԺ-ում լրագրողների հետ զրույցում ասել է «Քաղաքացիական պայմանագիր» խմբակցության պատգամավոր Վահագն Ալեքսանյանը։
«Առնվազն ես հասկացել եմ, որ այս պահի դրությամբ մեր օրենսդրությունը բավականաչափ հստակ չէ, ու ընտրակաշառատու սրիկաները կարողանում են դեռևս մանևրել»,- ասել է Ալեքսանյանը։
Նրա խոսքով՝ ընտրակաշառքի մասով շատ լուրջ խստացումներ են նախատեսվում։
«Պետք է շատ հստակ լինի, որ եթե, օրինակ, սիստեմատիկ բացահայտումներ են լինում ընտրակաշառքի մասով, առնվազն այդ կուսակցությունն այլևս չկարողանա ընտրություններին մասնակցել»,- նշել է նա։
