Ուկրաինան հետաքրքրված չէ «Դրուժբա» խողովակաշարով նավթի փոխադրման վերսկսմամբ, այս մասին հայտարարել է Սլովակիայի վարչապետ Ֆիցոն։
Նա այս եզրակացությանն է հանգել Զելենսկու հետ հեռախոսազրույցից հետո։
Ֆիցոն պնդել է, որ Զելենսկին, իբր, մերժել է թույլ տալ Ուկրաինա մուտք գործել «Դրուժբա» խողովակաշարի վիճակը ուսումնասիրելու համար նախատեսված քննչական հանձնաժողովին, որը Սլովակիան և Հունգարիան առաջարկել էին ուղարկել։
Ֆիցոն հավելել է, որ Ուկրաինան դեռևս թույլ չի տվել Սլովակիայի դեսպանին և ԵՄ ներկայացուցչին ստուգել խողովակաշարը։
Միևնույն ժամանակ, վարչապետը հայտարարել է, որ ընդունում է Զելենսկու առաջարկը՝ «Դրուժբա» խողովակաշարի վերանորոգման վերաբերյալ համատեղ բանակցություններ անցկացնելու վերաբերյալ, և հանձնարարել է Արտաքին գործերի նախարարությանը գտնել հարմար ամսաթիվ։
Ֆիցոն հավելել է, որ ինքը կնախընտրեր, որ այս հանդիպումը տեղի ունենար ԵՄ անդամ որևէ երկրում, այլ ոչ թե Ուկրաինայում։
