Ջեյդեն Սմիթը՝ դերասան, ռեփեր և հոլիվուդյան աստղեր Ուիլ Սմիթի և Ջադա Փինքեթ Սմիթի որդին, հայտնվել է նորաձևության շուրջ վեճի կենտրոնում՝ Christian Louboutin շքեղ ապրանքանիշի համար իր առաջին տղամարդկանց հագուստի հավաքածուն ներկայացնելուց հետո։
27-ամյա Սմիթը անցյալ տարվա սեպտեմբերին պատմություն կերտեց՝ դառնալով Christian Louboutin-ի տղամարդկանց հագուստի շարքի առաջին ստեղծագործական տնօրենը։ Նա վերջապես ներկայացրել է իր դեբյուտային հավաքածուն Փարիզի նորաձևության շաբաթում, և արձագանքը, մեղմ ասած, հակասական էր։
Նորաձևության բլոգերներն ու սոցիալական ցանցերի մեկնաբանները քննադատել են հավաքածուն, հատկապես դրա կենտրոնական մասը՝ վառ կարմիր արհեստական մորթուց կոշիկները։
Ոմանք կոշիկները համեմատել են Ռոնալդ Մաքդոնալդի, մյուսները՝ «Սեզամ փողոց» սերիալի կերպար Էլմոյի հետ։ Ինֆլուենսեր Քևին Շեփհերդը չի կարողացել թաքցնել իր հիասթափությունը. «Ի՞նչ է կատարվում։ Ես անկեղծորեն զայրացած եմ, որովհետև այդքան շատ էի երկրպագում նրան։ Նա ստացավ կյանքի հնարավորությունը Christian Louboutin-ում, և նա ամբողջովին խափանեց այն»։
TikTok-ի նորաձևության մեկնաբան Քարլայլը ավելի հեռու է գնացել՝ պնդելով, որ 2990 դոլար արժողությամբ կոշիկները նման էին «մեկը ողջ–ողջ մորթել է Էլմոյին», իսկ մորթե գոտիներից մեկը նրան հիշեցնում էր «կախված մազեր»
Քննադատները նշել են, որ հավաքածուն չունի հասունության զգացում։ Արվեստի մեկնաբան Անժելա Ֆրեյան խոստովանել է. «Դա մի փոքր ածանցյալ է թվում։ Նա չափազանց երիտասարդ է և դեռ չի մշակել իր սեփական դիզայնի լեզուն։
Կարմիր կոշիկները աչքի են ընկնում, բայց դրանք ավելի շատ նախատեսված են ցնցող արժեքի, քան գաղափարի համար՝ երիտասարդ դիզայներներին բնորոշ սխալ»։
TikTok-ի I Went To The Art School հաշիվն ավելի խիստ էր. «Մենք տեսնում ենք, որ առաջին կիսամյակի ուսանողական նախագիծը վաճառվում է որպես բարձր նորաձևություն՝ պարզապես հայտնի անվան պատճառով»։
Առանձին ծաղրի ալիք է բարձրացրել 1990 դոլար արժողությամբ «տակտիկական բաճկոնը», որը Ջեյդենը նկարագրել է որպես… պաշտոնական հագուստ, նույնիսկ հարսանիքի համար հարմար։
Նորաձևության սյունակագիր Սթեյսի Դյուգիդը կատակել է. «Ես այդ գոտին չէի կրի օդանավակայանում, սիրելիս»։
Այնուամենայնիվ, քննադատությունը միաձայն չէր։ Որոշ ազդեցիկ անձինք և ոլորտային հրատարակություններ շատ ավելի դրական էին տրամադրված Սմիթի դեբյուտի նկատմամբ։
Նորաձևության բլոգեր Ջարոդ Ջենքինսը հայտարարել է. «Անկեղծ ասած, մինչև հիմա ինձ դուր է գալիս այն, ինչ տեսնում եմ», գովաբանելով նոր Louboutin Chelsea կոշիկները։ Նա նաև համեմատել է Ջեյդենի մոտեցումը լեգենդար դիզայներ Վիրջիլ Աբլոյի ժառանգության հետ։
Ավստրալիական GQ-ն հավաքածուն անվանել է «շատ լավ», նշելով հաջողակ կոշիկները, մինչդեռ Fashion Network-ը գրել է, որ Սմիթը «ունի տաղանդ, ճաշակ և խարիզմա՝ ապրանքանիշի արդյունավետ ստեղծագործական տնօրեն լինելու համար»։
