Կյանքում կա երկու գույն՝ սև ու սպիտակ, դուք այսօր սև եք ու մրոտ: Որտե՞ղ է ձեր քաղաքական բարոյականությունը, երբ գիտակցում եք, որ 2 դատական ատյանով պարտվում եք՝ բայց մտել եք քաղաքացու գրպանն ու շարունակում եք նույն պնդաճակատությունն անել: Քաղաքացիներ, դուք գույքահարկ եք վճարում, իսկ էս մարդիկ 80 մլն դրամ տալիս են հասարակական կարգին, որ մտնեն տրանսպորտ ու ձեզ տուգանեն: Այս մասին ավագանու այս տարվա վերջին նիստի ժամանակ ասաց Երևանի ավագանու «Մայր հայաստան» խմբակցության անդամ Մեսրոպ Մանուկյանը:
Անդրադառնալով շինարարարական հրապարակներին հետևելուն՝ Մեսրոպ Մանուկյանը նշեց, որ պատասխանատու անձինք չեն հետևում դրան ու չեն կատարում իրենց Երևանցու հանդեպ ունեցած պարտավորությունները:
Իր խոսքում ավագանու անդամն ընդգծեց, որ շինհրապարակների այն ընկերությունները, որոնք աֆիլացվում են ՔՊ-ի հետ՝ ոչ ոք չի համարձակվում գնալ ու հետևել:
«Դուք կեղծ եք, դուք խաբել եք երևանցուն ու չեք ասել, որ ձեր համար առաջնահերթն իրեն տուգանելն է: Տուգանելուց բացի, գնայիք ու մնացած հարցերով զբաղվեիք»,- եզրափակեց նա:
