44-օրյա պատերազմի առաջին պատճառը բանակցային գործընթացից խուսափելն էր և ընդհանրապես հրաժարվելը, երկրորդ՝ բանակցողները ինչ որ անհասկանալի տարբերակ առաջարկեցին, սա բերեց նրան, որ բանակցային պրոցեսը դադարեց, ասել է Սերժ Սարգսյանը։
«Տեղի ունեցան այնպիսի գործողություններ, որոնք հնարավորություն տվեցին Ադրբեջանին արդարացնել պատերազմ սկսելու նախաձեռնությունը։ Ադրբեջանի և Թուրքիայի հետախուզությունները շատ լավ տիրապետում էին մեր բանակում առկա իրավիճակին և տեսնում էին, որ մեր բանակի մարտունակությունը բավական ընկել էր։ Պատերազմն անխուսափելի չէր, բայց նման արդյունքը մինչև 2018 թվականը կանխատեսելի չէր»,- նշել է երրորդ նախագահը։
