Ռուսաստանը և Ադրբեջանը քրտնաջան աշխատանք են տանում տարբեր մակարդակներում, և երկու երկրների երկխոսությունը շարունակվում է, հայտարարել է Ռուսաստանի նախագահի մամուլի քարտուղար Դմիտրի Պեսկովը, հաղորդում է «ՌԻԱ Նովոստի»-ն։
«Այժմ քրտնաջան կերպով աշխատանք է ընթանում և նախագահը (Ռուսաստանի Վլադիմիր Պուտինը) բարձրացրել է այս բոլոր այդքան զգայուն հարցերը, և դրանք բարձրացվում են աշխատանքային մակարդակով։ Մենք շարունակում ենք մեր երկխոսությունը», — ասել է Պեսկովը լրագրողներին՝ պատասխանելով այն հարցին, թե արդյոք կապեր կան ՌԴ-ի և Ադրբեջանի միջև Բաքվում ձերբակալված ռուսաստանցիներին ազատ արձակելու շուրջ։
Ադրբեջանական ԶԼՄ-ները հուլիսի 1-ին հայտնել էին Բաքվում Ռուսաստանի ութ քաղաքացու ձերբակալության մասին, ովքեր, ադրբեջանական կողմի պնդմամբ, կապ ունեն Իրանից թմրանյութերի տարանցման և կիբերհանցագործությունների հետ։ Նրանք կալանավորվել են չորս ամսով։
