Եվրոպական միությունը կշարունակի աջակցել տարածաշրջանում կայուն խաղաղություն ապահովելուն ուղղված ջանքերին, ինչպես նաև հումանիտար ականազերծման ոլորտում Ադրբեջանի գործունեությանը։ Ինչպես հաղորդում է APA-ն, այս մասին Ադրբեջանի նախագահ Իլհամ Ալիևի հետ հանդիպման ժամանակ հայտարարել է Եվրոպական միության ընդլայնման հարցերով հանձնակատար Մարտա Կոսը, փոխանցում են ադրբեջանական ԶԼՄ-ները։
Հանձնակատար Մարտա Կոսը նշել է, որ Եվրամիությունը և Ադրբեջանը հաջող համագործակցություն են հաստատել էներգետիկայի ոլորտում և ընդգծել է, որ տրանսպորտի ոլորտում համագործակցության հետագա զարգացման մեծ հեռանկարներ կան։
