Համաձայն Պետական եկամուտների կոմիտեի կողմից 2025 թվականի առաջին կիսամյակի համար հրապարակված արդյունքների՝ Արդշինբանկն ուղղակի հարկերի վճարման գծով Հայաստանի ամենախոշոր հարկատուն է: 2025 թվականի առաջին կիսամյակին բանկը ուղղակի հարկերի գծով պետբյուջե է փոխանցել 27,27 մլրդ ՀՀ դրամ: Այս ցուցանիշը հնարավոր է դարձել շահութահարկի և եկամտային հարկի զգալի աճի շնորհիվ։
Արդշինբանկը նաև Հայաստանի խոշորագույն հարկատուների լավագույն հնգյակում է ընդհանուր հարկային մուտքերի գծով. 2025 թվականի հունվարից հունիս ամիսն ընկած ժամանակահատվածում բանկը Հայաստանի պետբյուջե է փոխանցել 27,96 մլրդ ՀՀ դրամ, ինչը գրեթե հինգ անգամ գերազանցել է նախորդ հաշվետու տարում նույն ժամանակահատվածի համար բանկի կատարած վճարումների չափը:
«Այս կիսամյակի արդյունքները մեզ համար բացարձակ ռեկորդ են։ Սա ոչ միայն բանկի հաճախորդամետ և թափանցիկ գործունեության արդյունքն է, այլև Հայաստանի տնտեսության աճին և կայունությանը մեր հավատարմության ապացույցը», — նշեց բանկի Ֆինանսական տնօրեն Գարեգին Գևորգյանը։
2025թ․ հունիսի 30-ի դրությամբ Արդշինբանկի հաճախորդների թիվը կազմում է շուրջ 570 000, որոնց սպասարկում են բանկի՝ 2 300-ից ավելի աշխատակիցներ Հայաստանի ողջ տարածքում գործունեություն ծավալող 72 մասնաճյուղերի միջոցով։ Բացի մասնաճյուղերում սպասարկվելու հնարավորությունից, բանկն իր հաճախորդների բոլոր խմբերին առաջարկում է իրենց կարիքներին համապատասխանեցված ճկուն և ապահով հեռահար ծառայությունների ամբողջական փաթեթ։
Բանկը վերահսկվում է ՀՀ Կենտրոնական բանկի կողմից:
