Մինչև 12 տարվա ազատազրկում է սպառնում Baza լրատվամիջոցի գլխավոր խմբագիր Գլեբ Տրոֆոնովին և Telegram-ալիքի պրոդյուսեր Տատյանա Լուկյանովային, որոնք մեղադրվում են խմբակային կազմով խոշոր չափի կաշառք տալու մեջ։
Ինչպես ավելի վաղ TASS-ին հայտնել էր աղբյուրը՝ Տրիֆոնովին մեղադրանք է առաջադրվել ՌԴ Քրեական օրենսգրքի 291-րդ հոդվածի 4-րդ մասով (խմբակային կազմով կաշառք տալը)։ Ի թիվս այլ բաների՝ այդ հոդվածի պատժամիջոցը նախատեսում է 1-ից 3 միլիոն ռուբլու չափով տուգանք, 7-ից մինչև 12 տարի ժամկետով ազատազրկում, կաշառքի գումարի մինչև վաթսունապատիկի չափով կամ առանց դրա տուգանք և որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկում՝ մինչև յոթ տարի ժամկետով կամ առանց դրա։
Նմանատիպ մեղադրանք է առաջադրվել նաև «Baza» կայքի պրոդյուսեր Տատյանա Լուկյանովային։ Տրիֆոնովը և Լուկյանովը չեն ընդունում մեղքը։
