Բրիտանական արքայազն Հարրին կրկնել է իր մոր՝ արքայադուստր Դիանայի գործողությունը՝ ի պաշտպանություն ռումբերը վնասազերծող կազմակերպության: Այս մասին հաղորդում է Associated Press-ը:
Պարբերականը նշում է, որ արքայազն Հարրին Անգոլա է եկել և զրահաբաճկոնով անցել է դաշտով, որտեղ դեռևս ականներ կան: Այս կերպ նա ցանկանում էր ուշադրություն հրավիրել Halo Trust բարեգործական կազմակերպության վրա, որը զբաղվում է նախկին պատերազմական գոտիների ականազերծմամբ:
1997 թվականին Հարրիի մայրը՝ արքայադուստր Դիանան, նույնպես անցել է Անգոլայի ականապատ դաշտով:
