ԱՄՆ նախագահ Դոնալդ Թրամփը, Կանադայում ընթացող G7 գագաթաժողովից վաղաժամ մեկնելու լույսի ներքո, չի հանդիպի Վլադիմիր Զելենսկու հետ միջոցառման շրջանակում։ Այս մասին նշել է Die Presse թերթը։
Նրա տվյալներով՝ հունիսի 16-ին Զելենսկին այցելել է Վիեննա, որից հետո մեկնել է Կանադա։ «Այսօր Զելենսկին պետք է հանդիպեր Թրամփի հետ G7 գագաթաժողովի շրջանակում։ Այժմ հանդիպումը չեղարկվել է, քանի որ ԱՄՆ նախագահը վաղաժամ հեռացել է»,- գրել է թերթը։
Ինչպես տեղեկացրել է Politico պարբերականը, հունիսի 17-ին յոթնյակի երկրների առաջնորդները պլանավորում են քննարկել Ռուսաստանի դեմ խստացված պատժամիջոցները: Ավելի վաղ Սպիտակ տունը հայտարարել էր Թրամփի եւ Զելենսկու միջեւ Կանադայի Կանանասկիս քաղաքում նախատեսված հանդիպման մասին:
