ՄԱԿ փախստականների գործերով գլխավոր հանձնակատարի վարչությունը նախատեսում է ազատել մոտ 3,5 հազար աշխատակիցների։
Վարչության ղեկավարությունը ստիպված է փակել մի շարք գրասենյակներ եւ կրճատել անձնակազմն ամբողջ աշխարհում: Մասնավորապես, կազմակերպության Ժնեւում գտնվող գլխավոր գրասենյակում եւ տարածաշրջանային գրասենյակներում կրճատվելու է ղեկավար պաշտոնների գրեթե 50 տոկոսը:
Բացի այդ, ֆինանսավորման բացակայության պատճառով, կազմակերպությունը ստիպված կլինեն լքել նաեւ հարյուրավոր ժամանակավոր աշխատակիցներ։ «Ընդհանուր առմամբ, կրճատվելու է մոտ 3 500 լրիվ դրույքով աշխատող»,- նշել են գերատեսչությունում։
