ԱՄՆ նախագահ Դոնալդ Թրամփը լրագրողների հետ զրույցում վստահություն է հայտնել Իրանի միջուկային ծրագրի շուրջ համաձայնության հասնելու հարցում։
«Կարծում եմ՝ համաձայնագիրը կստորագրվի կամ ինչ-որ բան կպատահի, բայց համաձայնագիրը կստորագրվի։ Եվ Իրանը հիմարություն է անում՝ չստորագրելով այն», — ասել է նա։
Թրամփը հստակեցրել է, որ առաջիկա օրերին կարելի է ակնկալել Միացյալ Նահանգների և Իրանի միջև դիվանագիտական առաջընթաց։
«Իրանը, ըստ էության, նստած է բանակցությունների սեղանի շուրջ։ Նրանք ցանկանում են համաձայնության գալ», — հավելել է Սպիտակ տան ղեկավարը։
