Երևանի մետրոպոլիտենի 11-րդ՝ «Աջափնյակ» կայարանի նախագծային փաթեթն արդեն իսկ ստացել է պետական համալիր փորձաքննության դրական եզրակացությունը: Այս մասին «Ֆեյսբուք»-ի իր էջում տեղեկացրել է Երևանի քաղաքապետ Տիգրան Ավինյանը։
Ըստ նրա՝ դրական եզրակացության ստանալը նշանակում է, որ կայարանի կառուցման մասով արդեն մեկնարկում են հաջորդ փուլի գործընթացները: Առաջիկայում նախատեսվում են ամբողջական ֆինանսավորման հաստատումը ՀՀ կառավարության կողմից, ազդեցության ենթակա տարածքում օտարման և տարաբնակեցման աշխատանքները, շինարարության մրցույթի նախապատրաստումը։
Քաղաքապետն ավելացրել է, որ առաջիկայում նախատեսվում է՝
ամբողջական ֆինանսավորման հաստատում ՀՀ կառավարության կողմից,
ազդեցության ենթակա տարածքում օտարման և տարաբնակեցման աշխատանքներ,
շինարարության մրցույթի նախապատրաստում։
Ավինյանի տեղեկացմամբ՝ նախագծի ընթացքը և առաջիկա քայլերը նա քննարկել է «Մետրոգիպրոտրանս» ընկերության տնօրենների խորհրդի նախագահ Վալերի Աբրամսոնի հետ հանդիպման ընթացքում:
